Այցելու ուսանողներ և ստաժավորման հնարավորություններ
Տարբերվող մտածելակերպերը, մտքերի փոխանակումն ու համատեղ աշխատանքները կարող են նպաստել առավել լայն հայացքների ու փորձառությունների համակարգի ձևավորմանը ապագա առաջնորդների մոտ:
Առաջնորդության Դպրոցը ոչ միայն կազմակերպում է պարբերական ուսանողական քննարկումներ և համատեղ աշխատանքներ, այլև խրախուսում է արտասահմանյան ուսանողների այցերը Հայաստան:
Եթե դուք սովորում եք արտասահմանյան ուսումնական հաստատությունում և ցանկանում եք
- ստաժավորում անցնել,
- հանրօգուտ կամավորական աշխատանքներ իրականացնել,
- կամ հետազոտություններ կատարել Հայաստանում՝
հնարավորություն ունենալով նաև
- ծանոթանալ աշխարհի հնագույն մշակույթներից մեկին,
- զարգացնել հմտություններ և ձեռք բերել փորձառություններ, որոնք հնարավոր չէ ստանալ դասասենյակային միջավայրում,
- բարեկամներ ձեռք բերել աշխարհի շուրջ,
- ընդլայնել աշխատանք գտնելու ձեր հնարավորությունները,
հրավիրում ենք ձեզ մասնակցելու Առաջնորդության Դպրոցի ուսանողների ու համայնքի հետ միասին իրականացվող նախագծերին ու ծրագրերին:
Խնդրում ենք կապ հաստատել մեզ հետ:
Մեր նախկին այցելուների կարծիքներից՝
Իբրև ստաժոր մեկ ամիս մասնակցել եմ Առաջնորդության Դպրոցի ծրագրերին, ինչպես նաև հետազոտություն եմ իրականացրել:
Երիտասարդները, որոնց հանդիպեցի, ազդեցին իրենց խանդավառ աշխատանքով: Լավ հնարավորություն էր ձեռք բերելու նոր տեսանկյուն, որը կարող եմ կիրառել նաև Ֆինլանդիայում իմ հետագա ուսման ժամանակ, ինչպես նաև ավարտելուց հետո՝ աշխատանքի մեջ: Շնորհակալ եմ թիմի մասնակիցներին՝ օգնելու համար իրենց ժամանակը հատկացնելու և իրականացվող նախագծերի մեջ ներգրավելու համար:
- Կատարինա Լեյնոնեն / Օուլուի Համալսարան (Ֆինլանդիա)
Այցելու ուսանողները և ստաժորները ընդգրկվում են մեր գործունեության բոլոր ուղղություններում. հետազոտություններից մինչև գործնական նախագծեր: Լրացուցիչ տեղեկությունների համար խնդրում ենք այցելել մեր կայքի Նորություններ բաժինը։